Тропарь празднику святой троицы

На День Святой Троицы

Пресвятой Троице, творение Марка монаха

Пресвятой Троице

Преподобному Исаакию Далматскому

Святей Троице. Пятидесятнице. Сошествию Святаго Духа на апостолов (тропарь, кондак, задостойник, молитвы и величание)

Тропарь, глас 8:

Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,// и те́ми уловле́й вселе́нную, Человеколю́бче, сла́ва Тебе́.

Кондак, глас 8:

Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся́ призва́,// и согла́сно сла́вим Всесвята́го Ду́ха.

Задостойник, глас 4:

Апо́столи, соше́ствие Уте́шителя зря́ще, удиви́шася,// ка́ко в ви́де о́гненых язы́к яви́ся Дух Святы́й.

Ра́дуйся, Цари́це,/ матероде́вственная сла́во:/ вся́ка бо удобообраща́тельная благоглаго́ливая уста́ вити́йствовати не мо́гут/ Тебе́ пе́ти досто́йно;/ изумева́ет же ум всяк твое́ Рождество́ разуме́ти.// Те́мже Тя согла́сно сла́вим.

Молитва

Пресвята́я Тро́ице, Единосу́щная Держа́во, всех благи́х Вина́, что воздади́м Тебе́ за вся́, я́же воздала́ еси́ нам, гре́шным и недосто́йным, пре́жде, не́же на свет произыдо́хом, за вся́, я́же воздае́ши коему́ждо нас по вся́ дни и я́же угото́вала еси́ всем нам в ве́це гряду́щем? Подоба́ше у́бо за толи́кия благодея́ния и щедро́ты благодари́ти Тя не словесы́ то́чию, но па́че де́лы, храня́ще и исполня́юще за́поведи Твоя́: мы же, страсте́м на́шим и злым обы́чаем вне́мше, в бесчи́сленные от ю́ности низверго́хомся грехи́ и беззако́ния. Сего́ ра́ди, я́ко нечи́стым и оскверне́нным, не то́чию пред трисве́тлое Лице́ Твое́ безсту́дно яви́теся, но ниже́ И́мене Твоего́ Пресвята́го изрещи́ довле́ше нам, а́ще бы не Ты Сама́ благоизво́лила во отра́ду на́шу возвести́ти, я́ко, чи́стыя и пра́ведныя лю́бящи, и гре́шники ка́ющиеся ми́луеши и благоутро́бне прие́млеши. При́зри у́бо, о Пребоже́ственная Тро́ице, с высоты́ Святы́я Сла́вы Твоея́ на нас, многогре́шных, и благо́е произволе́ние на́ше вме́сто благи́х дел приими́, и пода́ждь нам ду́ха и́стиннаго покая́ния, да возненави́девше всяк грех, в чистоте́ и пра́вде до конца́ дней на́ших поживе́м, творя́ще пресвяту́ю во́лю Твою́ и сла́вяще чи́стыми по́мыслы и благи́ми дея́ньми сладча́йшее и великоле́пое и́мя Твое́. Ами́нь.

Молитва Святому Духу

Царю́ Небе́сный, Уте́шителю Всеблаги́й, Ду́ше и́стины, от Отца́ предве́чно исходя́й и в Сы́не вы́ну почива́яй, незави́стный исто́чниче дарова́ний боже́ственных, разделя́я их коему́ждо, я́коже хо́щеши, И́мже и мы недосто́йнии освяти́хомся и назна́менани есмы́ в день креще́ния на́шего! При́зри на моли́тву раб Свои́х, прииди́ к нам, всели́ся в ны, и очи́сти ду́ши на́ша, да бу́дем угото́вани в жили́щи Пресвяты́я Тро́ицы. Ей, о Всеблаги́й, не возгнуша́йся на́шея нечистоты́ и ран грехо́вных, но исцели́ я́ всеврачу́ющим пома́занием Твои́м. Просвети́ наш ум, да разуме́ем суету́ ми́ра и я́же в ми́ре, оживи́ на́шу со́весть, да немо́лчно возвеща́ет нам я́же подоба́ет твори́ти и я́же отмета́ти, испра́ви и обнови́ се́рдце, да не источа́ет день и нощь помышле́ний злых и жела́ний неподо́бных. Укроти́ плоть и угаси́ росоно́сным дыха́нием Твои́м пла́мень страсте́й, и́мже помрача́ется в нас драгоце́нный о́браз Бо́жий. Ду́ха пра́здности, уны́ния, любонача́лия и праздносло́вия отжени́ от нас, пода́ждь же нам ду́ха любве́ и терпе́ния, ду́ха кро́тости и смире́ния, ду́ха чистоты́ и пра́вды, да испра́вив разсла́бленная сердца́ и коле́на, неле́ностно тече́м по пути́ за́поведей святы́х, и та́ко избега́я вся́каго греха́ и исполня́я вся́ку пра́вду, сподо́бимся улучи́ти кончи́ну ми́рну и непосты́дну, вни́ти в Иерусали́м небе́сный, и та́мо покланя́тися Тебе́ ку́пно со Отце́м и Сы́ном, поя́ во ве́ки веко́в: Тро́ице Свята́я, сла́ва Тебе́. Ами́нь.

Молитва иная

Ду́ше Святы́й! Всю вселе́нную собо́ю наполня́яй, и всем жизнь подава́яй, от скве́рных же челове́к удаля́яйся, смире́нно молю́ Тя: не гнуша́йся нечистоты́ ду́ши моея́, но прииди́ и всели́ся в мя и очи́сти мя от вся́кия грехо́вныя скве́рны. Да по́мощию Твое́ю про́чее вре́мя живота́ моего́ поживу́ в покая́нии и творе́нии дел благи́х, и та́ко просла́влю Тя со Отце́м и Сы́ном во ве́ки веко́в. Ами́нь.

Молитва на Сошествие Святаго Духа

О, Небе́сный Царю́, Уте́шителю Святы́й, Ду́ше И́стины, везде́ сый и вся исполня́яй, никогда́же начина́емый, ниже́ престая́й, но со Отце́м и Сы́ном при́сно Су́щий, пе́рвее во А́нгельских Во́инствах де́йствовавый, свяще́ние да́руя; и при миробытии́ в нача́ле верху́ воды́ носи́выйся, я́ко жи́зни Пода́тель, в рай же первозда́нныя лю́ди дыха́нием жи́зни воодушеви́вый и сла́дким обще́нием Боже́ственным утеша́вый я́, по грехопаде́нии же прароди́телей на́ших не восхоте́вый с па́дшими сына́ми челове́ческими пребыва́ти, зане́ плоть бы́ша, но то́чию во избра́ннех патриа́рсех и проро́цех дре́вле отце́м глаго́лавый, в после́док же дней сих, восхоте́в изли́ти от Ду́ха Своего́ на вся́ку плоть, пе́рвее на Честне́йшую Го́рних Сил Пресвяту́ю Де́ву Мари́ю низше́дый и ве́лие та́инство Воплоще́ния Сы́на Бо́жия То́ю неизрече́нно соверши́вый, и па́ки на Том же Сы́не Бо́жием, во пло́ти на Иорда́н прише́дшем, в ви́де голуби́не почи́вый, по сем же в ве́ликий день Пятидеся́тницы суще́ственно в виде́нии о́гненных язы́к на апо́столы соше́дый и си́ми всю вселе́нную просвети́вый и Святу́ю Це́рковь до сконча́ния ве́ка Свое́ю Боже́ственною благода́тию изоби́льно испо́лнивый, во е́же па́дшее естество́ на́ше обожи́ти и па́ки к ра́йскому блаже́нству возврати́ти! При́зри у́бо в сей вели́кий, соверше́нный и коне́чный Пятидеся́тный пра́здник на моле́ния рабо́в Твои́х коленопреклоне́нно Тебе́ возноси́мый, и очи́сти нас свяще́нным наи́тием Твои́м от мно́жества согреше́ний на́ших во всем житии́ на́ми соде́янных. Еди́не Чи́стый и Пресвяты́й Ду́ше, очи́сти нас от мно́гия нечистоты́ на́шея, да не па́ки оста́виши нас, а́ще по пло́ти жи́ти бу́дем, я́ко не и́мать обита́ти Дух Твой в челове́цех плоть су́щих, зане́ плоть и кровь Ца́рствия Бо́жия насле́дити не мо́гут. Сего́ ра́ди мо́лим Тя: угаси́ живоно́сным дыха́нием Твои́м весь пла́мень страсте́й на́ших, да не твори́м плотоуго́дия в по́хотех, но води́мии Тобо́ю, да бу́дем прославля́ти Тя в душа́х и телесе́х на́ших. И изба́ви нас от ду́ха пра́здности, уны́ния, печа́ли и го́рдости и да́руй нам дух кро́тости и чистоты́, дух смире́ния и целому́дрия, дух терпе́ния и любве́, да прии́деши во вну́треннюю хра́мину душ на́ших и воцари́шися та́мо над страстя́ми на́шими, во е́же се́яти нам ктому́ уже́ не в плоть и тле́ние, но в дух, да от Ду́ха Твоего́ пожне́м живо́т ве́чный в после́днее Воскресе́ние и просла́вим Тя с ли́ки святы́х со Отце́м и Сы́ном во ве́ки веко́в. Ами́нь.

Величание

Велича́ем Тя,/ Живода́вче Христе́,/ и чтим Всесвята́го Ду́ха Твоего́,/ Его́же от Отца́ посла́л еси́// Боже́ственным ученико́м Твои́м.

Назад к списку

Тропарь и кондак
Молитвы Богу Отцу, Богу Сыну,Святому Духу и Святой Троице
Акафист Пресвятой и Животворящей Троице
Акафист Святому Духу
Величание 

ТРОПАРЬ И КОНДАК ПРАЗДНИКУ СВЯТАЯ ТРОИЦА

Тропарь, глас 1

Благословен еси, Христе Боже наш, иже премудры ловцы явлей, ниспослав им Духа Святаго, и теми уловлей вселенную, Человеколюбче слава Тебе.

Кондак, глас 2

Егда снизшед языки слия, разделяше языки Вышний: егда же огненныя языки раздаяше, в соединение вся призва, и согласно славим Всесвятаго Духа.

МОЛИТВА К БОГУ ОТЦУ

Всемогущий Владыко, премудрый и всеблагий Господи, светоначальнаго Сына Пребезначальный Родителю, и Животворящаго Духа Твоего вечный и присносущный Самоизводителю, Егоже величество неизчетно, слава несказанна, и милость безмерна, благодарим Тя, яко воззвал еси нас от небытия и почтил еси драгоценным образом Твоим, яко даровал еси нам недостойным не точию познавати и любити Тя, но еже сладостнейше есть, и Отцем своим нарицати Тя.

Благодарим Тя, Боже милосердия и щедрот, яко преступивших заповедь Твою не оставил еси нас посреди греха и сени смертныя, но благоволил еси Единороднаго Твоего Сына, Имже и веки сотворены суть, послати на землю нашего ради спасения, да вочеловечением Его и страшными страданьми мучительства диаволя и тли смертныя свободимся. Благодарим Тя, Боже любве и сил, яко, по вознесении на небо дражайшаго Спасителя нашего, умолен быв Крестом Его, низпослал еси и Духа Твоего Пресвятаго на избранные Его ученики и апостолы, да, силою богодухновенныя проповеди их, озарят весь мир нетленным светом Евангелия Христова.

Сам убо, Человеколюбивый Владыко, услыши ныне смиренную молитву недостойных чад Твоих, да якоже создал еси нас за едину Твою благость, искупил еси ны за едино благоутробие Твое, тако и спасеши нас по единому безприкладному милосердию Твоему: зане от дел наших ниже следа спасения имамы, но чаяние праведныя мести и отлучения от пресветлаго лица Твоего: аще бо и о едином праздном глаголе взыскано будет в день Суда и испытания, о неизчетных наших беззакониях, имиже согрешихом пред Тобою, кий, бедные, имамы воздати ответ; сего ради весьма от дел наших отчаявшеся оправдания, к Твоей единей, всяк ум и всяко слово превосходящей, прибегаем благости, юже, аки твердое основание надежды имуще, молим Тя: согрешихом, очисти, Господи!

Беззаконновахом, прости, Владыко! Прогневахом Тя, примирися, Долготерпеливе! И сохрани прочее ум, совесть и сердце наше от скверн мирских, избави и спаси ны от многомятежныя бури страстей и грехопадений, вольных же и невольных, ведомых и неведомых, и в тихое управи пристанище веры, любви и упования жизни вечныя.

Помяни нас в милости Твоей, Господи, даруй нам вся, яже ко спасению, прошения, паче же чистое и безгрешное житие; сподоби нас любити Тя, и боятися от всего сердца нашего, и творити во всем волю Твою святую, молитвами Пречистыя Владычицы нашея Богородицы и всех святых Твоих, яко Благ и Человеколюбец Бог еси, и Тебе славу и благодарение и поклонение возсылаем, со Единородным Твоим Сыном, и со Пресвятым и Благим и Животворящим Твоим Духом, ныне и присно, и во веки веков. Аминь.

МОЛИТВА К БОГУ СЫНУ

Единородно Сыне и Слове Божий, изволивый нашего ради спасения воплотитися и смерть претерпети, ныне же, и с Пречистою Плотию Твоею, на небесех на Престоле со Отцем седяй, и всем миром уп-равляяй, не забуди милосердием Твоим нас, долу сущих и многими напастьми и скорбьми искушаемых, иже аще и весьма нечисти и недостойни есмы, но в Тебе, Спасителя и Господа нашего, веруем и иного Ходатая и надежды спасения не вемы.

Подаждь, о Искупителю всеблагий, да памятуем выну, коликих мучений души и Тела Твоего потребно бяше, во еже удовлити за грехи наши вечной правде Отца Твоего, и како даже до ада со Креста низшел еси пречистою душею Твоею, да нас власти и мучительства адова свободиши: памятуя же о сем, да блюдемся от страстей и грехов, бывших виною лютых страданий и смерти Твоея, и да любим правду и добродетель, еже всякаго дара Тебе в нас приятнейше есть. Яко искушенный по всяческим, сам веси, о Всеблагий, коль велика есть немощь духа и плоти нашея, а враг наш силен и злохитр, яко лев рыкая ходит, иский кого поглотити: не остави убо нас Своею всесильною помощию, и буди с нами выну, храня и покрывая, наставляя и укрепляя, радуя и веселя дух наш.

Мы же, на лоно любве и милосердия Твоего повергающеся, весь живот наш, временный и вечный, Тебе предаем, нашему Владыце, Искупителю и Господу, моля из глубины души, да, имиже веси судьбами, сотвориши нам прейти безбедно мрачную жития сего земнаго юдоль, и достигнута Богокраснаго чертога Твоего, его же обещал еси уготовати всем, верующим во имя Твое, и последующим Божественным стопам Твоим. Аминь.

МОЛИТВА СВЯТОМУ ДУХУ

Утешителю всеблагий, Душе истины, от Отца предвечно исходяй и в Сыне выну почиваяй, независтный Источниче дарований Божественных, разделяя их коемуждо, якоже хощеши, Им же и мы недостойнии освятихомся и назнаменани есмы в день крещения нашего!

Призри на молитву раб Своих, прииди к нам, вселися в ны, и очисти душы наша, да будем уготовани в жилище Пресвятыя Троицы. Ей, о Всеблагий, не возгнушайся нашея нечистоты и ран греховных, но исцели я всеврачующим помазанием Твоим.
Просвети наш ум, да разумеем суету мира и яже в мире, оживи нашу совесть, да неумолчно возвещает нам, яже подобает творити и яже отметати, исправи и обнови сердце, да не источает прочее день и нощь помышлений злых и желаний неподобных, укроти плоть и угаси росоносным дыханием Твоим пламень страстей, имже помрачается в нас драгоценный образ Божий.

Духа праздности, уныния, любоначалия и празднословия отжени от нас, подаждь же нам духа любви и терпения, духа кротости и смирения, духа чистоты и правды, да, исправив разслабленныя сердца и колена, неленостно течем по пути заповедей святых, и тако, избегая всякаго греха и исполняя всяку правду, сподобимся улучити кончину мирну и непостыдну, внити в Иерусалим Небесный и тамо поклонятися Тебе, купно со Отцем и Сыном, поя во веки веков: Троице Святая, слава Тебе!

МОЛИТВА ПРЕСВЯТОЙ ТРОИЦЕ

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради..

МОЛИТВА ПРЕСВЯТОЙ ТРОИЦЕ

Пресвятая Троице, единосущная Державо, всех благих Вина, что воздадим Тебе за вся, яже воздала еси нам грешным и недостойным прежде, неже на свет произыдохом, за вся, яже воздаеши коемуждо нас по вся дни, и яже уготовала еси всем нам в веце грядущем!

Подобаше убо, за толикия благодеяния и щедроты, благодарити Тя не словесы точию, но паче делы, храняще и исполняюще заповеди Твоя: мы же, отрастем нашым и злым обычаем внемше, в безчисленныя от юности низвергохомся грехи и беззакония. Сего ради, яко нечистым и оскверненным, не точию пред Трисвятое лице Твое безстудно явитися, но ниже имени Твоего Пресвятаго изрещи довлеяше нам, аще бы не Ты Сама благоизволила, во отраду нашу, возвестити, яко чистыя и праведныя любя, и грешники кающияся милуеши и благоутробне при-емлеши.

Призри убо, о Пребожественная Троице, с высоты Святыя Славы Твоея на нас, многогрешных, и благое произволение наше, вместо благих дел, прииими; и подаждь нам духа истиннаго покаяния, да возненавидевше всякий грех, в чистоте и правде, до конца дней наших поживем, творяще пресвятую волю Твою и славяще чистыми помыслы и благими деяньми сладчайшее и великолепое имя Твое. Аминь.

АКАФИСТ СВЯТОЙ ТРОИЦЕ

Как правильно читать акафист

Кондак 1

Предвечный Царю веков и Господи, всея твари видимыя и невидимыя Содетелю, Емуже, в Троице Святей славимому Богу, всяко колено покланяется небесных, земных и преисподних: темже и мы, яко крещеннии в Трисвятое имя Твое, аще и недостойнии, хвалебное сие дерзаем принести Тебе пение: Ты же, яко Творец, Промыслитель и Судия наш, вонми гласу раб Твоих, и не отстави милости Твоея от нас, да из глубины души выну зовем Ти: Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Икос 1

Архангели и Ангели, Начала и Власти, Престоли и Господствия, предстояще самому Престолу Славы Твоея, не довлеют изрещи величия совершенств Твоих: многоочитии же Херувими и шесто-крилатии Серафими, закрывающе лица своя, точию с трепетом и любовию взывают друг ко другу: Свят, Свят, Свят Господь Саваоф! Нам убо, иже прах и пепел есмы, кольми паче удобее любити молчание: но, да не толиких щедрот, в создании и искуплении на нас излиянных, непамятливы явимся и неблагодарни, подражающе горнему славословию, с верою и любовию взываем:
Свят, Свят, Свят еси Господи Боже наш, неисповедимая совершенств Высоте и неизследимая таин Пучино!
Свят еси Господи Боже наш, везде сый и вся исполняяй, Единый и Тойжде вчера, днесь и во веки!
Свят еси Господи Боже наш, вся могий, нарицаяй не сущая яко сущая, низводяй даже до ада и паки позволяй!
Свят еси Господи Боже наш, испытуяй сердца и утробы человеческия, исчитаяй звезды и всем им имена нарицаяй!
Свят еси Господи Боже наш, Егоже вси путие истинны и все судьбы оправданы вкупе и вожделенны!
Свят еси Господи Боже наш, отдая грехи отцев на чада, милуяй же и награждаяй в роды родов!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 2

Видев Тя Исаиа на Престоле высоце и превознесенне, глаголаше: о окаянный аз, яко человек сый и нечисты устне имый, и Господа Саваофа видех очима моима! Егда же угль горящий, носимый от Ангела, прикоснуся устом его, чисте восхваляше Тебе Отца, и Сына, и Святаго Духа, Единаго Бога. Попали убо, о Пресвятая Троице, огнем Божества Твоего терние и наших многих беззаконий, да чистым сердцем возопием Тебе: Аллилуиа!

Икос 2

Разум неуразуменный разумети ищя великий во пророцех Моисей, глаголаше: яви мне лице Твое, да разумно вижду Тя! Ты же к нему: задняя Моя узриши, лице же Мое не явится тебе: не бо узрит человек лице Мое и жив будет. Нам же, аще и недостойным, благоволил еси явити Себе в лице Единороднаго Сына Твоего: темже благодарне вопием:
Свят, Свят, Свят еси Господи Боже наш, Серафимов пламен-ногорящая любы и Херувимов выну светящая премудросте!
Свят еси Господи Боже наш, Небесных Престолов превышний Царю и премирных Господствий всеистинный Господи!
Свят еси Господи Боже наш, Вышних Сил непобедимая Крепосте и Горних Властей всемогущий Властителю!
Свят еси Господи Боже наш, Архангелов всерадостное благовестие и Ангелов неумолкающая проповедь!
Свят еси Господи Боже наш, разумных Начал верховное Всеначало, и всех прочих небесных чинов державный повелителю;
Свят еси Господи Боже наш, Един имеяй безсмертие и живый во Свете Неприступней, со избранными же Твоими, яко со други, лицем к лицу беседуяй!
Свят, Свят, Свят еси Господи Боже наш, помилуй ны, падшее создание Твое, имене ради святаго Твоего!

Кондак 3

Силою неизреченнаго могущества Твоего вся содержиши, Словом неизследимыя Премудрости Твоея вся строиши, Духом уст Твоих вся живиши и радуеши, о Трисолнечне Вседетелю! Измерил еси небо дланию и землю пядию, носиши и питаеши всю тварь, вся по имени призываеши, и несть могий утаитися властительныя десницы и взора Твоего: сего ради со всеми вышними и нижними силами, со умилением припадающе, зовем Ти: Аллилуиа!

Икос 3

Имеяй всякое создание работно повелению Твоему, всюду являеши следы Промысла и неизчетных совершенств Твоих: темже невидимая Твоя и присносущную Силу и Божество, твореньми помышляема, видяще, со удивлением и радостию зовем:
Свят, Свят, Свят еси Господи Боже наш, властительный Содетелю видимых и невидимых, и любвеобильный Строителю настоящих и грядущих!
Свят еси Господи Боже наш, от четырех стихий составивый тварь и четырьми времены круг лета венчавый!
Свят еси Господи Боже наш, повелевый солнцу светити во дни, и луне со звездами просвещати нощь!
Свят еси Господи Боже наш, изводяй ветры от сокровищ, одеваяй небо облаки, и посылаяй дождь и росу в прохлаждение зноя! Свят еси Господи Боже наш, препоясуяй холмы радостию и долы веселием, украшаяй крины сельныя и венчаяй поля класами! Свят еси Господи Боже наш, посылаяй пищу птенцем врановым, напаяяй вся звери сельныя, и полагаяй щедроты Своя на всех делех Своих!
Свят, Свят, Свят еси Господи Боже наш, помилуй ны, падшее создание Твое, имене ради святаго Твоего!

Кондак 4

Бурю внутрь имея душепагубныя ереси, вторый Иуда, Арий безумный, отвержеся Тебе Сына Божия, Единаго от Пребожественныя Троицы быти; мы же аще и ино лице Отчее, ино Сыновнее, ино Святаго Духа глаголем: но Отчее, Сыновнее и Святаго Духа Едино Божество, равну силу, соприсносущно величество, сердцем и устны исповедуем, и яко Трисолнечным светом в купели крещения озареннии, Отцу, и Сыну, и Святому Духу, Единому Богу покланяемся, зовуще: Аллилуиа!

Икос 4

Слышавше пастырие и учителие Святыя Церкви Ария, яко лютаго зверя, вторгшася в словесное Христово стадо, и восхищающа овцы от истиннаго исповедания православныя веры, сошедшеся в Никеи на соборе, Бога, а не тварь, Христа исповедаша, и равна Отцу Сына и Святаго Духа чтуще, громогласне возгласиша:
Свят, Свят, Свят еси Господи Боже наш, Боже Отче, Боже Сыне, Боже Душе Святый, Единый Истинный Боже, а не три бози!
Свят еси Господи Боже наш, несозданный Отче, несозданный Сыне, несозданный Душе Святый, Едине вкупе несозданне, а не три особь несозданны!
Свят еси Господи Боже наш, Отец раждаяй предвечно Сына, Сын раждаемый безлетно от Отца, Дух Святый из Него же от век происходяй, но не раждаяся!
Свят еси Господи Боже наш, Отец, воззвавый нас от небытия, Сын, искупивый нас падших Крестом Своим, Дух Святый, освящаяй и животворяй всех Своею благодатию!
Свят еси Господи Боже наш, в духе, душе и теле нашем трехчастную скинию на вселение Свое основати благоволивый, и всеконечне грехом разрушитися ей в нас не попустивый!
Свят еси Господи Боже наш, знамение Триипостаснаго Существа Своего на всех делех рук Своих, в мире видимом и невидимом, положивый!
Свят, Свят, Свят еси Господи Боже наш, помилуй ны, падшее создание Твое, имене ради святаго Твоего!

Кондак 5

Пребезначальная и Вседетельная Троице, создав нас по образу и по подобию Твоему, заповедала еси творити угодная пред Тобою: мы же, окаяннии, злую волю нашу возлюбивше, обеты крещения отвергохом, образ Твой помрачихом; ныне же паки к Тебе прибегаем и молимся, подаждь нам благодать Твою, исхити нас из руки враг, видимых и невидимых, и спаси ны, имиже веси судьбами, да во веки веков зовем Тебе: Аллилуиа!

Икос 5

Видя разум превосходящая совершенства Твоя и неизреченная благодеяния к бедным сынам Адамлим (в Тя бо, Триединаго Бога истинно веруяй, мертвый духом оживляется, оскверненный совестию очищается, погибший спасается), благодарным умом, благодарным сердцем, благодарными усты, от Тебе созданными, преклоньше колена, глаголем:
Свят, Свят, Свят еси Господи Боже наш, в Триипостасном Совете Твоем положивый сотворити человека, и в тело его, от персти взятое, дыхание жизней из уст Твоих вдохнувый!
Свят еси Господи Боже наш, образом и подобием Твоим в лице Адама всех нас почтый, и рая сладости наследники учинивый! Свят еси Господи Боже наш, разумом превыше всего видимаго вознесый нас, и тварь всю дольнюю под нозе наши покоривый! Свят еси Господи Боже наш, древо жизни в пищу нам даровавый и даром безсмертия ны обогативый!
Свят еси Господи Боже наш, преслушавших заповедь прародителей наших и по грехопадении не оставивый, но на уповании спасения прямо Едема вселивый!
Свят еси Господи Боже наш, изведый и нас из чрева матере нашея и благодатию Евангелия, по рождении, освятивый!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 6

Проповедник правды и ревнитель Святаго имени Твоего, Илиа досточудный, воззван от Ангела, ста в горе Хориве: бысть же дух крепок, низлагаяй горы, бысть трус велий и огнь палящ, но не в сих Тя виде, и по огни глас хлада тонка, и тамо Господь; покрыв убо лице милотию, с веселием и страхом взываше: Аллилуиа!

Икос 6

Возсиял еси в просвещение всему миру сияние Трисветлаго Божества Твоего, отгнал еси вся идольская заблуждения, Триипостасный Боже и Господи; весь же род человеческий от долгия тмы язычества в чудный свет Евангелия привел еси, имже озареннии, славим вседержавный Промысл Твой о нас, зовуще:
Свят, Свят, Свят еси Господи Боже наш, до конца растленную грехом тварь водами потопными потребивый и в лице Ноя обновивый весь род человечь!
Свят еси Господи Боже наш, отлучивый отца верующих Авраама от смешения язык и в потомстве его истинную Церковь основавый!
Свят еси Господи Боже наш, изведый люди Своя из Египта, препитавый их манною в пустыне и введый в землю, кипящую медом и млеком!
Свят еси Господи Боже наш, воздвигий Давида, исполнивый Духом Своим пророки и теми среди Израиля веру в обетованнаго Искупителя сохранивый!
Свят еси Господи Боже наш, пленом Вавилонским согрешшыя люди Своя наказавый и, по скончании его, паки Иерусалиму возградитися повелевый!
Свят еси Господи Боже наш, Маккавеи в вере и преданиих отеческих непоколебимыми до смерти показавый, и Церковь подзаконную, яко невесту, до пришествия возлюбленнаго Жениха, целу соблюдый!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 7

Хотя проявити величие любве и милосердия Твоего к падшему роду человеческому, егда прииде кончина лета, послал еси Единороднаго Сына Твоего, раждаема от Жены, бываема под законом, да подза-конныя искупит, Иже, пожив на земли яко человек и искупив ны Крестом Своим, вознесеся на небо, отнюдуже, исполняяй обетование, низпосла нам Пресвятаго Духа Своего, да зовем вси: Аллилуиа!

Икос 7

Дивное воистинну и новое показал еси чудо, дивный в высоких, Господи, егда по низпослании Пресвятаго Духа на избранныя ученики и апостолы, извел еси их на проповедь всему миру, да возвестят великое имя Пресвятыя Троицы и пленят вся языки в послушание веры: тем же, чудящеся силе и действию богодухновенных словес их, с радостию зовем:
Свят, Свят, Свят еси Господи Боже наш, избравый немощная, худородная и буия мира, да посрамят крепкия, славныя и премудрыя!
Свят еси Господи Боже наш, воодушевивый безчисленныя сонмы мучеников, да тмами мучений и смертей запечатлеют истину Евангелия и силу благодати Христовой!
Свят еси Господи Боже наш, сердце равноапостольнаго Константина знамением Креста преклонивый, и тем конец лютым гонением на христиан положивый!
Свят еси Господи Боже наш, седмию Вселенскими Соборы богоносных отец, яко седмию столпы, Церковь оградивши и еретическим треволнением неприступну сотворивый!
Свят еси Господи Боже наш, богомудрым учителем и великим подвижником благочестия, яко пресветлым звездам на тверди Церкви, возсияти даровавый!
Свят еси Господи Боже наш, и владыку земли Российския Владимира к свету истинныя веры наставивый, и тем всю страну нашу от прелести многобожия свободивый!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 8

Странно и чудно у дуба Мамврийска узрев Тя Авраам во образе триех мужей, аки к единому беседоваше, глаголя: Господи, аще обретох благодать пред Тобою, не мини раба Твоего! Трием убо, в Триех явльшихся ему Лицах, Отцу, и Сыну, и Святому Духу, Единому же в существе Богу, до земли поклонися, зовый: Аллилуиа!

Икос 8

Весь еси везде и всегда, не точию могуществом неизчетныя силы Твоея, но и богатством вседетельнaro промышления Твоего о всяцем создании Твоем: нам же, якоже рече Сын Твой, и власи главнии вси изочтени суть у Тебе, да ни един из них падет без воли Твоея: темже, уповающе на Промысл Твой, со дерзновением и любовию зовем:
Свят, Свят, Свят еси Господи Боже наш, благоволивый всему роду человеческому разделитися на племена и языки, и коемуждо их место и время жительства указавый!
Свят еси Господи Боже наш, Имже царие царствуют и сильнии пишут правду, соблюдаяй избранных Своих, яко зеницу ока!
Свят еси Господи Боже наш, от Негоже исходит всяка премудрость и разум, всяка крепость и сила, всяко здравие и лепота!
Свят еси Господи Боже наш, наводяй и отъемляй брани, венчаяй победою правое оружие, нeправое же, посреде самых побед, предопределяяй к сокрушению!
Свят еси Господи Боже наш, даяй знамения на небеси и на земли, посылаяй огнь, язву и глад на люди, да не до конца заблудят от путей Твоих!
Свят еси Господи Боже наш, возносяй смиренныя от земли, еже посадити со князи людей Своих, и низлагаяй гордыя, яко не обрестися месту их!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 9

Всякое естество, горе и низу, непрестанно славит Тя, предвечнаго Творца и Бога: на небеси едини, Свят, Свят, Свят, день и нощь взывают, дружин же венцы своя к подножию ног Твоих полагают: на земли же со всею тварию мы, яко украшеннии образом присносущныя Твоея славы, к Тебе молимся и от Тебе великия и богатыя милости чаем, зовуще: Аллилуиа!

Икос 9

Ветия многовещанныя, аще и много труждаются мыслию во испытании, о Таинстве Пресвятыя Троицы, но не могут разумети, како естеством Един есть Бог, в Триех же совершенных Лицех: мы же веруем точию сему и исповедуем, какоже, не испытуем, и неизчетная благодеяния к нам коегождо из Триех Божественных Лиц добре ведуще, с верою и благодарением зовем:
Свят, Свят, Свят еси Господи Боже наш, праведным судом Твоим всем нам в землю, от неяже взяты есмы, возвратитися, и паки в день воскресения из нея востати положивый!
Свят еси Господи Боже наш, солнцу, луне и звездам некогда померкнути, земле и всему, еже на ней, огнем преобразится предопределивый, да вместо их явится небо ново и земля нова, в нихже правда живет!
Свят еси Господи Боже наш, уставивый день, воньже предстанут на суд вся племена и языцы, да восприимет кийждо по делом своим!
Свят еси Господи Боже наш, имеяй в день воздаяния реши праведным: приидите благословеннии Отца Моего, и наследуйте Царствие, уготованное вам от сложения мира!
Свят еси Господи Боже наш, от Него же нераскаяннии грешницы услышат тогда со страхом: отъидите от Мене проклятии во огнь вечный, уготованный диаволу и аггелом его!
Свят еси Господи Боже наш, обещавый Церковь Свою до конца мира непоколебиму соблюсти, во еже неодоленней быти ей и от врат адовых!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 10

Спасти хотя мир, явилася еси на Иорданстей реце, Пресвятая и Пребожественная Троице: Отец во гласе с неба, свидетельствуяй о возлюбленнем Сыне, Сын во образе человечестем, приемляй Крещение от раба, Дух Святый, сходяй на Крещаемаго в виде голубине: темже во имя Единаго Бога, в Три же Лица, Отца, Сына и Святаго Духа, научихомся просвещати Крещением всякаго грядущаго в мир человека, зовуще: Аллилуиа!

Икос 10

Царю Превечный, сияяй солнце Свое на благия и злыя, праведныя любяй, грешныя же милуяй, скверну душевную и телесную нашу омый, обитель Свою в нас, аще и недостойных рабех Твоих, сотворити благоволи, потреби нечистая наша помышления, изглади неподобная деяния, направи язык глаголати благоугодная пред Тобою, да чистым сердцем и устны со умилением зовем:
Свят, Свят, Свят еси Господи Боже наш, о Немже апостольский лик яве глаголет, к Нему же пророческий собор выну взирает! Свят еси Господи Боже наш, Его же полк мученический боголепно исповедует, и преподобных воинство Пресвятое имя славословит!
Свят еси Господи Боже наш, о Нем же пустынников множество присно воздыхает, от Него же постников подвиги венчаются! Свят еси Господи Боже наш, Ему же святители и пастыри благодарственное приносят пение, Имже вселенстии учители во спасение наше богомудрствуют!
Свят еси Господи Боже наш, приими мольбу о нас и предстательство всех святых, паче же простирающую к Тебе о нас руце Своя, Деву Пречистую!
Свят еси Господи Боже наш, огради нас святыми Твоими Ангелы, и отжени от нас духов злобы поднебесных!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 11

Пение всякое изнемогает, тщащееся принести должное благодарение Тебе о всех и за вся, в Троице славимому Богу: не обретается бо ни разума, могуща сраспростретися мыслию ко множеству щедрот Твоих на нас, ни слова, во еже достойне изрещи я: обаче за вся, нами видимая и нам подаемая, буди Тебе, Пресвятая Троице, благодарение от нас, честь и слава, яковы же Ты Сама Твоего величества достойны и Тебе угодны веси: мы же, покланяющеся Тебе, со смирением и любовию зовем: Аллилуиа!

Икос 11

Яко светоподательна Тя во обетованиих Твоих светильника, сущым нам во тме неведения о будущем жребии нашем явльшася, благодарне исповедующе и поне единаго из блаженств, Единородным Сыном Твоим возвещенных, улучити желающе, всеумильно с верою вопием:
Свят, Свят, Свят еси Господи Боже наш, уготовавый избранным Своим блага, ихже око не виде, ухо не слыша, и яже на сердце человеку не взыдоша!
Свят еси Господи Боже наш, Его же вси чистии сердцем узрят, якоже есть, и познают, якоже от Него сами познани суть!
Свят еси Господи Боже наш, в Немже вси алчущии и жаждущии правды обретут, николиже оскудевающее насыщение!
Свят еси Господи Боже наш, от Него же миротворцы, яко подражатели вся умиротворившаго Единороднаго Сына Твоего, возлюбленными сынами нарекутся!
Свят еси Господи Боже наш, у Него же кротцые наследят землю, и нищии духом улучат некончаемое Царствие!
Свят еси Господи Боже наш, обещавый вечное помилование милующым, и безконечное радование плачущым!
Свят, Свят, Свят еси Господи Боже наш, помилуй ны, падшее создание Твое, имене ради святаго Твоего!

Кондак 12

Благодать Твою всесильную подаждь нам, Пресвятая Троице: приими исповедание грехов наших пред величеством славы Твоея, призри на воздыхания наша, низпосли нам духа умиления и щедрот, да, очищеннии душею и сердцем, сподобимся неосужденно звати к Тебе на земли, якоже взывают Ангели на небеси: Аллилуиа!

Икос 12

Поюще Твое всечеловеколюбное смотрение, славим Тя вси, Пребезначальная Троице, веруем во Единаго Бога Отца, Бога Сына и Бога Духа Святаго, иного, разве Тебе, Господа не вемы, к Тебе припадаем и Тебе молимся, вопиюще:
Свят, Свят, Свят еси Господи Боже нaш, буди нам во спасение, да не убоимся никоегоже зла, и в защищение живота нашего, да не устрашимся никоегоже врага!
Свят еси Господи Боже наш, грешныя кающыяся спасаяй, спаси убо и нас многогрешных!
Свят еси Господи Боже наш, умножаяй всем милость Твою, умножи ю и на нас, и помилуй ны, яко немощни есмы!
Свят еси Господи Боже наш, продолжи нам век к покаянию и не осуди нас на посечение с смоковницею безплодною!
Свят еси Господи Боже наш, избави ны искушений, от мира, плоти и диавола находящих, и укрепи в вере и любви к Тебе!
Свят еси Господи Боже наш, сподоби ны лицем к лицу узрети Тя, и внити в светлый чертог Твой на брак Агнчий!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 13

О Пресвятая, Животворящая, Неразделимая и Вседетельная Троице, Отче, Сыне и Душе Святый, Едине истинный Боже и Творче наш! Нынешнее наше приемши благодарение, низпосли нам благодать и силу от высоты Святаго Престола Твоего, да, поправше вся плотския похоти, во всяком благочестии и чистоте поживем до конца дней наших, выну восхваляюще Пресвятое имя Твое и зовуще: Аллилуиа!

(Этот кондак читается трижды, затем икос 1 и кондак 1)

Икос 1

Архангели и Ангели, Начала и Власти, Престоли и Господствия, предстояще самому Престолу Славы Твоея, не довлеют изрещи величия совершенств Твоих: многоочитии же Херувими и шесто-крилатии Серафими, закрывающе лица своя, точию с трепетом и любовию взывают друг ко другу: Свят, Свят, Свят Господь Саваоф! Нам убо, иже прах и пепел есмы, кольми паче удобее любити молчание: но, да не толиких щедрот, в создании и искуплении на нас излиянных, непамятливы явимся и неблагодарни, подражающе горнему славословию, с верою и любовию взываем:
Свят, Свят, Свят еси Господи Боже наш, неисповедимая совершенств Высоте и неизследимая таин Пучино!
Свят еси Господи Боже наш, везде сый и вся исполняяй, Единый и Тойжде вчера, днесь и во веки!
Свят еси Господи Боже наш, вся могий, нарицаяй не сущая яко сущая, низводяй даже до ада и паки позволяй!
Свят еси Господи Боже наш, испытуяй сердца и утробы человеческия, исчитаяй звезды и всем им имена нарицаяй!
Свят еси Господи Боже наш, Егоже вси путие истинны и все судьбы оправданы вкупе и вожделенны!
Свят еси Господи Боже наш, отдая грехи отцев на чада, милуяй же и награждаяй в роды родов!
Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

Кондак 1

Предвечный Царю веков и Господи, всея твари видимыя и невидимыя Содетелю, Емуже, в Троице Святей славимому Богу, всяко колено покланяется небесных, земных и преисподних: темже и мы, яко крещеннии в Трисвятое имя Твое, аще и недостойнии, хвалебное сие дерзаем принести Тебе пение: Ты же, яко Творец, Промыслитель и Судия наш, вонми гласу раб Твоих, и не отстави милости Твоея от нас, да из глубины души выну зовем Ти: Свят, Свят, Свят еси Господи Боже наш, помилуй ны, падшее создание Твое, имене ради Святаго Твоего!

АКАФИСТ СВЯТОМУ ДУХУ

Как правильно читать акафист

Кондак 1

Приидите, вернии, Духа Святаго прославим сошествие. Иже от Отеческих недр на Апостоли излиявся, яко водами, боговедением покры землю, и живоносныя благодати богоусыновления, и горния славы сподобляет чисте притекающих к Нему, освящает же и обожает зовущих: Прииди, Утешителю, Душе Святый, и вселися в ны!

Икос 1

Ангели на небеси светлыми лики Духу Святому немолчно славу воспевают, яко Источнику жизни и Свету невещественному. С ними же и мы прославляем Тя, Душе непостижимый, за вся явныя и тайныя милости Твоя, и смиренно просим блаженнаго осенения Твоего:
Прииди, Свете истинный и Радосте духовная.
Прииди, росоносный Облаче и Красото неизреченная.
Прииди и приими, яко курение благовонное, хвалу нашу.
Прииди и даждь нам вкусити радость излияния Твоего.
Прииди и возвесели ны обилием даров Твоих.
Прииди вечное Солнце незаходимое, и обитель в нас сотвори.
Прииди, Утешителю, Душе Святый, и вселися в ны!

Кондак 2

Видом огненных язык, во свете и дыхании бурном и радостотворном, сниде Дух Святый на Апостолы. Тем же пламенем Его объяты бывше, рыбари мир весь в Церковь Христову призваша. Беды на суше и на водах радостно терпяще, лютых смертей не убояшася. И во всю землю изыде вещание богокрасныя песни их: Аллилуиа!

Икос 2

Чаше дождеродная и огнеточивая, излившаяся на Апостолы в горнице Сионстей: Тебе поем, Тебе благословим, Тебе благодарим, Боже Душе Святый.
Прииди, Освятителю и Хранителю Церкви.
Прииди и даждь едино сердце и едину душу верным Твоим.
Прииди, и воспламени наше хладное и безплодное благочестие.
Прииди и разжени огустевающий над землею мрак безбожия и нечестия.
Прииди и веди всех на путь праведныя жизни.
Прииди и настави нас на всяку истину.
Прииди, Мудросте непостижимая и ими же веси судьбами спаси нас.
Прииди, Утешителю, Душе Святый, и вселися в ны!

Кондак 3

Тайна глубочайшая! Боже Душе непостижиме, со Отцем и Словом Создателю всех! Ты украсил еси горния чины Ангелов во храме неприступнаго света! Ты воззвал еси к бытию лики огненных светил с великолепием славы. Ты плоть и дух в чудное единство согласуя, сотворил еси род человеческий. Тем же всякое дыхание поет Тебе хвалу: Аллилуиа!

Икос 3

Альфа и Омега, Начало и Конец, Ты Душе вечный, необъятною силою парения над водами, и страшным кругообстоянием оживотворил еси всех и вся: от живоноснаго дыхания Твоего из безвидныя бездны возсияла есть неизреченная красота первозданного мира. Сего ради взываем Ти:
Прииди к нам, Премудрый Художниче мира.
Прииди, Великий и в малом цветке, и в небесной звезде.
Прииди, Многообразие неизреченное и Красото вечная.
Прииди и озари мрачный хаос души моея.
Прииди и яви нас новою тварию во Христе.
Прииди, Утешителю, Душе Святый, и вселися в ны!

Кондак 4

Непостижимый и Всеблагий Душе, освещения Источниче! Ты одеял еси Пречистую Деву Марию в ослепительный и неприступный блеск Твоего Божества, соделав Ю, Матерь Бога Слова, Царицу Ангелов, спасением людей. Силою премирною Ты осеняеши пророки и Апостолы. Ты возносиши их до третьего небесе. Ты уязвляеши их сердца красотою небесною, влагая в их речи пламенное стремление, влекущее людей к Богу. Ты обращаеши последних грешников, и они, полные горячаго восторга поют: Аллилуиа!

Икос 4

Святым Духом всяка душа живится, Его силою возстановятся к общению воскресения вся создания в последний час нынешняго века, и в первый будущаго. Тогда воздвигни нас, Утешителю Благий, из гробов наших не к осуждению, но к богосветлому блаженству со всеми святыми, близкими и сродными нам!
Прииди же и избави нас от смерти духовныя.
Прииди и пред кончиною нашею насыти нас Телом и Кровию Спаса Христа.
Прииди и даждь нам успение тихое с чистою совестию.
Прииди и сотвори светлым наше пробуждение от смертного сна.
Прииди и сподоби нас узрети с радостию утро вечности.
Прииди и сотвори ны сыны нетления.
Прииди и, яко солнце, просвети тогда безсмертная тела наша.
Прииди, Утешителю, Душе Святый, и вселися в ны!

Кондак 5

Услышав глас Твой: «Аще кто жаждет, да грядет ко Мне и да пиет», молим Тя, Сыне Божий, утоли нашу жажду духовныя жизни, даждь нам воду живую. Излей нам струю благодати от срасленнаго Ти Духа Святаго, да не возжаждем во веки, с умилением поюще: Аллилуиа!

Икос 5

Нетленный и Несотворенный, вечный и щедрый Душе, праведных Хранителю и грешных очищение. Свободи нас от всяких нечистых дел, да не погаснет в нас сияние благодатнаго света Твоего, вопиющих Ти:
Прииди, Всеблагий, и даждь нам умиление и источник слез!
Прииди и научи нас поклонятися Тебе духом и истиною.
Прииди, Истино высочайшая, и уясни сомнения скуднаго разума.
Прииди, Жизнь нестареемая, и приими нас с краткостию века земнаго.
Прииди, Свете Вечный, и разсеются призраки и страхи.
Прииди, вечно иная Сила, освежи изнемогших чад Твоих!
Прииди, Безконечная Радость, и забудутся невзгоды временныя.
Прииди, Утешителю, Душе Святый, и вселися в ны!

Кондак 6

Ликуй, дщерь света, святая мати Сион! Украшайся великая невесто, небеси подобная, светлоблистающая вселенская Церковь Христова! На Тебе почивает Дух Святый, немощная врачуя, оскудевающая восполняя, мертвыя оживляя и к вечной жизни приводя всех, достойно и праведно зовущих: Аллилуиа!

Икос 6

«В мире скорбни будете», — рече Господь. Где обрящем отраду, и кто утешит нас? Душе Утешителю, Ты утоли наша печали! Ходатайствуй о нас воздыханиями неизреченными и облегчи сердца молящихся Тебе:
Прииди, сладкая Прохлада труждающихся и обремененных.
Прииди, Собеседниче узников и Опора гонимых.
Прииди, ущедри изнуренных нищетою и гладом.
Прииди и уврачуй страсти наших душ и телес.
Прииди и посети всех жаждущих Твоего озарения.
Прииди и осмысли наша скорби надеждою вечныя радости.
Прииди, Утешителю, Душе Святый, и вселися в ны!

Кондак 7

«На Святаго Духа хулившему, не простится ни в сем веке, ни в будущем», — рече Господь. Слышавше сие страшное изречение, трепещем, да не осудимся с непослушными Тебе и богоборными. Не даждь уклонятися Душе Святый, сердцам нашим в словеса лукавствия. Обрати от расколов, ересей и безбожия всех заблудших, и всех с Церковью первенцев Твоих сподоби во веки веков воспевати: Аллилуиа!

Икос 7

Егда отступи Дух Святый от Саула, тогда страх и уныние постиже его, и тьма отчаяния низверже его в преисподнюю. Тако и аз в день уныния и ожесточения моего разумею, яко удален есмь от Твоего света. Но дай мне неослабно звати Тя, души моея Ограду, дондеже свет Твой озарит мя малодушнаго:
Прииди убо, и не отвержи мене за роптание и нетерпение мое.
Прииди и умиротвори лютую бурю смятения и раздражения.
Прииди и успокой озлобленных житейскими невзгодами.
Прииди и смягчи сердца в день ожесточения и гнева.
Прииди и сокруши козни смущения и устрашения духов тьмы.
Прииди и вдохни в ны дух сокрушен, да терпением спасем души наша.
Прииди, Утешителю, Душе Святый, и вселися в ны!

Кондак 8

Спаси ны, Отче Небесный! Мы убоги и немощны, и слепы, и наги духовно! Даруй нам злато Твое, огнем очищенное, покрый нас от срама одеждою белою, исцели помазанием Твоим очи наши. Благодать Животворящаго Твоего Духа да снидет в нечистые сосуды душ наших, и возродит нас поющих: Аллилуиа!

Икос 8

Яко Вавилонская башня разрушится счастие земное. Жалки все начинания человеческия. Благо мне, яко смирил мя еси, яко открыл еси мне в согрешениих и падениих моих всю слабость и ничтожество мое. Без Тебе не можем творити ничесоже, но благодатию Твоею уповаем спастися:
Прииди убо, единый мудрый Строителю жизни.
Прииди и уясни нам непостижимыя пути Твоя.
Прииди, яко молния, и освети конец нашего земнаго бытия.
Прииди и благослови всякое благое начинание наше.
Прииди и буди помощник в добрых делах.
Прииди и озари ум наш в час недоумений.
Прииди, даруя дух покаяния, да отвратятся тем грядущия на мир скорби.
Прииди, Утешителю, Душе Святый, и вселися в ны!

Кондак 9

Тако возлюби Бог, яко и Сына Своего Единороднаго дал есть, Иже от Духа Святаго и Марии Девы вочеловечився, на кресте простре зиждительныя Свои руце, Кровию же Своею весь мир от греха и смерти искупи! Темже вся тварь, свободы славы чад Божиих чая, Отцу возлюбившему, Сыну искупившему и Духу освящающему поет: Аллилуиа!

Икос 9

Дух Животворящий, яко голубь сошедший на Христа на Иордани и на мене опочил есть при купели крещения. Но помрачися действие доброты Его от тьмы грехопадений моих. Темже, яко путник заблудшийся в лесу нощию, ожидает зари, тако и аз жажду лучей Твоих, Блаже, да не погибну до конца:
Прииди убо к запечатленному страшным именем Твоим.
Прииди и облегчи совесть мучимую, нещадно палимую.
Прииди и обнови во мне омраченный Твой образ.
Прииди и разсей греховныя видения.
Прииди и научи сострадати чуждему горю.
Прииди и подвигни мя любити всякое создание Твое.
Прииди и воздаждь ми радость спасения Твоего.
Прииди, Утешителю, Душе Святый, и вселися в ны!

Кондак 10

Дух Святый возраждает в жизнь вечную, Дух Святый вдохновляет мучеников, освящает священников, венчает праведников, хлеб и вино совершает Телом и Кровию Божественными. О, глубино богатства и премудрости Божия! Даруй нам венец Твоих даров — всепрощающую вечную любовь, скорбящую за врагов, хотящую всем спастися, да озареннии ею, яко чада света, поем: Аллилуиа!

Икос 10

Кто ны отлучит от любве Божия: скорбь ли или теснота, или гонение, или глад, или нагота, или беда, или меч? Аще и всего лишимся на земли, имамы наследие неувядаемо на небеси. Но даруй нам, Господи, любити Тя не словом или языком, а истинным делом и подвигом всея жизни:
Прииди же, Душе Всесильный, и умножи нам всепобеждающую веру.
Прииди и даждь нам дерзновение молитвенное.
Прииди и согрей сердца наша, да не охладеет любовь наша в сердце за преумножение беззаконий.
Прииди и не даждь нам отпасть во дни гонений и осмеяния веры.
Прииди и сохрани нас от непосильных искушений и соблазнов.
Прииди и оживи сердца наша кроплением росы Твоея.
Прииди, уврачуй, освяти и возстави нас, Блаже, Твоею благодатию.
Прииди, Утешителю, Душе Святый, и вселися в ны!

Кондак 11

Тако глаголет Господь: «Излию от Духа Моего на всяку плоть, и прорекут сынове ваша и дщери ваша, и юноши ваша видения узрят, и старцы ваши сония увидят». Душе всежеланный, даждь токмо едину от крупиц с трапезы избранных сынов утешения Твоего и нам умильно зовущим: Аллилуиа!

Икос 11

Аще и на краткое мгновение, яко блистание молнии, Ты возсияеши в тайне души, но незабвенно есть светолитие откровения Твоего, от негоже страшным и боголепным изменением преображается бренное естество. Сподоби убо, Утешителю Благий, и нас еще в земнем житии чистым сердцем узрети Тя, вопиющих Ти:
Прииди, светоподательная Молния вечности.
Прииди и озари нас невечерним сиянием.
Прииди, Сокровище смиренномудрия и веселие кротких.
Прииди, Вода живая и прохлади нас среди зноя страстей.
Прииди, ибо вдали от Тебе нет радости и покоя.
Прииди, яко с Тобою всюду Небесное Царство.
Прииди и напечатлей в душе солнцевидный лик Твой.
Прииди, Утешителю, Душе Святый, и вселися в ны!

Кондак 12

Благодати реко неистощимая, Душе Святый, грехов разрешителю! Приими моления наша о всем мире, о верующих и неверующих, и о сынах противления: и всех приведи к вечному Царствию Святыя Троицы; да упразднится Тобою и последний враг — смерть, и мир, возрожденный очистительным огнем, воспоет новую песнь безсмертия: Аллилуиа!

Икос 12

Зрю духом град Божий — Иерусалим небесный, яко невеста украшенный, солнцевидный, торжествующий. Слышу ликования праведных на трапезе Господней, и гласы Ангелов и пресветлаго Господа посреде избранных Своих, и отбеже болезнь и печаль и воздыхание. Царю Небесный, Душе Святый, седмерицею даров Твоих сподоби и нас причастниками быти сия вечныя радости, в Бозе зовущих Ти сице:
Прииди, Блаже, и возбуди в нас жажду загробного бытия.
Прииди и затепли в душе чаяние жизни истиннаго века.
Прииди и открый нам радости грядущаго Царствия.
Прииди и даждь нам снегосветлую ризу чистоты.
Прииди и исполни нас блистанием Божества.
Прииди и возми нас на брак Агнчий.
Прииди и сподоби в вечной славе Твоей царствовати.
Прииди, Утешителю, Душе Святый, и вселися в ны!

Кондак 13

О, светоносная пучино спасающей любве, Душе Животворящий! Согрей дыханием наития Твоего оледеневший в беззакониих род человеческий, силою непостижимых судеб Твоих ускори погибель зла, и яви вечное торжество Божественныя правды. Да будет Бог всяческая и во всех: и всяко колено небесных и земных и преисподних да воспоет: Аллилуиа! Аллилуиа! Аллилуиа!

(Этот кондак читается трижды, затем икос 1 и кондак 1)

Икос 1

Ангели на небеси светлыми лики Духу Святому немолчно славу воспевают, яко Источнику жизни и Свету невещественному. С ними же и мы прославляем Тя, Душе непостижимый, за вся явныя и тайныя милости Твоя, и смиренно просим блаженнаго осенения Твоего:
Прииди, Свете истинный и Радосте духовная.
Прииди, росоносный Облаче и Красото неизреченная.
Прииди и приими, яко курение благовонное, хвалу нашу.
Прииди и даждь нам вкусити радость излияния Твоего.
Прииди и возвесели ны обилием даров Твоих.
Прииди вечное Солнце незаходимое, и обитель в нас сотвори.
Прииди, Утешителю, Душе Святый, и вселися в ны!

Кондак 1

Приидите, вернии, Духа Святаго прославим сошествие. Иже от Отеческих недр на Апостоли излиявся, яко водами, боговедением покры землю, и живоносныя благодати богоусыновления, и горния славы сподобляет чисте притекающих к Нему, освящает же и обожает зовущих: Прииди, Утешителю, Душе Святый, и вселися в ны!

День Святой Троицы празднуется на пятидесятый день после Пасхи, поэтому этот праздник еще называется Пятидесятницей.

После Воскресения Господня Его ученики непрестанно жили ощущением праздника. На протяжении еще сорока дней Он являлся им по одному и собранным вместе. На глазах учеников, Господь поднялся над землей, как бы удостоверяя их, что в последний день мира Он придет на землю так же, как отошел к Богу-Отцу. Прощаясь с ними до времени, Он обещал послать им Утешителя – Святого Духа, исходящего от Бога-Отца. Ученики не знали, что это означает, но верили, что все будет по слову Господню.

Как огонь в очаге, поддерживали они в душах благодатное состояние того дня, каждый день собираясь в одном доме на горе Сионе в Иерусалиме. В уединенной горнице они молились, читали Святое Писание. Так сбывалось и еще одно из древних пророчеств: «От Сиона изыдет закон и слово Господне из Иерусалима». Так возник первый христианский храм. Возле того дома находился и дом любимого ученика Христа – апостола Иоанна Богослова, в нем, по завещанию Господа, пребывала и Его Мать   –   Дева Мария. Вокруг Нее собирались ученики, Она была утешением для всех верующих.

Праздник Пятидесятницы, или день Святой Троицы проходил так. В десятый день по Вознесении Господа Иисуса Христа, в день иудейского праздника первой жатвы, когда ученики и с ними Дева Мария находились в Сионской горнице, в третий час дня в воздухе послышался сильный шум, как во время бури. В воздухе появились яркие трепещущие языки огня. Это был огонь не вещественный – он был одной природы с благодатным огнем, который ежегодно сходит в Иерусалиме на Пасху, он светил, не обжигая. Носясь над головами апостолов, языки огня опустились на них и опочили. Тут же, вместе с внешним явлением произошло и внутреннее, совершившееся в душах: «исполнишася вси Духа Свята». – И Богоматерь, и апостолы ощутили в тот миг необыкновенную силу, действующую в них. Просто и непосредственно им был дан свыше новый благодатный дар глагола – ни заговорили на языках, которых не знали прежде. Это было дарование, необходимое для проповеди Евангелия по всему миру.

Омытые, щедро одаренные Единым Духом, чувствуя, что это – только часть полученных ими духовных подарков от Господа, они держали друг друга за руки, образуя новую сияющую светлую Церковь, где незримо присутствует Сам Бог, отражаясь и действуя в душах. Возлюбленные дети Господни, соединенные с Ним Святым Духом, они вышли из стен Сионской горницы, чтобы бесстрашно проповедовать Христово учение о любви.

В память об этом событии праздник Пятидесятницы называется еще днем сошествия Святого Духа, а так же днем Святой Троицы: в явлении Святого Духа, исшедшего от Бога-Отца по обещанию Бога-Сына, раскрылось таинство единства Святой Троицы. Название же Пятидесятницы день этот получил не только в память древнего праздника, но и потому, что это событие пришлось на пятидесятый день после христианской Пасхи. Как Пасха Христова заменила собой древний иудейский праздник, так и Пятидесятница положила основание Церкви Христовой как союзу в Духе на земле.

Тропарь праздника Святой Троицы, глас 1:

Благословен еси, Христе Боже наш, иже премудры ловцы явлей, ниспослав им Духа Святаго, и теми уловлей вселенную, Человеколюбче слава Тебе.

Кондак праздника Святой Троицы, глас 2:

Егда снизшед языки слия, разделяше языки Вышний: егда же огненныя языки раздаяше, в соединение вся призва, и согласно славим Всесвятаго Духа.

Величание праздника Святой Троицы:

Величаем Тя, Живодавче Христе и чтим Всесвятаго Духа Твоего, Егоже от Отца послал еси Божественным учеником Твоим.

Приблизительное время чтения: 15 мин.

Воскресенье, 7 июня 2020 года, день Святой Троицы

Через 50 дней после Пасхи, 7 июня 2020 года, мы вспоминаем, как произошло рождение нашей Церкви, исповедующей Святую Троицу. Поэтому праздник называется Пятидесятницей или Троицей. В этом году переживание особенно остро не только для священнослужителей, многие из которых в течение недель совершали богослужения без прихожан. Верующие с особым чувством и соблюдая все меры предосторожности готовятся праздновать не только рождение Церкви, но и начало возвращения к обычной приходской жизни.

Воскресенье – выходной день, который каждый христианин посвящает Богу и Божиим делам, в первую очередь – посещению храма. В этот день мы откладываем прочие дела, чтобы участвовать в литургии.

Мы продолжаем проект «Готовимся к воскресенью», чтобы помочь вам осознанно прийти в храм после карантина, заранее изучить традиции и особенности богослужения грядущего дня, познакомиться с отрывком из Евангелия и его толкованиями, а также с краткими житиями святых, поминаемых Церковью в этот день.

Ежегодно на пятидесятый день после Пасхи Церковь вспоминает, как на первых учеников Спасителя сошел Святой Дух. В тот день вместе с апостолами в Сионской горнице была Богородица. Они собрались, чтобы праздновать иудейский праздник Пятидесятницы – вспомнить после Исхода из египетского рабства Бог даровал своему народу десять заповедей через Моисея на горе Синай. Произошло это как раз на пятидесятый день после Исхода, отсюда и название.

В современной Церкви считается, что глубже всех тайну Пресвятой Троицы сумел выразить иконописец, прославленный в лике преподобных – Андрей Рублев. Его «Троица» является каноническим изображением христианской веры в Триединого Бога. До сих пор этот образ остается самым известным изображением Бога в истории православной иконографии. Образы Бога Отца в виде старца и Бога Духа Святого в виде голубя не являются каноничными, мало того, богословие запрещает изображение Бога Отца и Бога Духа.

Подробнее о тайне Святой Троицы читайте в наших материалах:

• Кто имел отношение к созданию иконы Андрея Рублева «Троица»? Что означают Символы за спинами ангелов и окошечко в престоле? Для кого оставлено четвертое место за престолом? На важнейшие вопросы о самой известной русской иконе отвечает заведующая кафедры христианской культуры Библейско-богословского института святого Апостола Андрея (ББИ) и преподаватель Коломенской духовной семинарии Ирина Языкова.

• О смысле и истории праздника рассказывает кандидат богословия, заведующий библейской кафедрой Саратовской православной духовной семинарии, автор учебного пособия «Устав православного богослужения» Алексей Кашкин.

• О величайшем открытии отечественного и мирового искусствоведения 1918 года, происхождении, месте работы прославленного иконописца Андрея Рублева в близком к детективному расследовании Натальи Иртениной.

• Как понять троичность Бога не богослову? В скольких Богов верят христиане? Что о Троице сказано в Библии? Сложнейшие аспекты таинственной Троицы в ясном и доступном изложении постоянного автора «Фомы» Игоря Цуканова. 

• Кто “придумал” Церковь и как жили первые христиане? 

Тропарь на День Святой Троицы

Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,// и те́ми уловле́й вселе́нную, Человеколю́бче, сла́ва Тебе́.

Перевод: Благословен Ты, Христе Боже наш, явивший премудрыми рыбаков, ниспослав им Духа Святого и через них уловивший вселенную. Человеколюбец, слава Тебе!

Кондак на День Святой Троицы 

Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся́ призва́,// и согла́сно сла́вим Всесвята́го Ду́ха.

Перевод: Когда сошел Всевышний и языки смешал, Он этим разделял народы; когда же огненные языки раздал, Он к единению всех призвал, и мы согласно славим Всесвятого Духа.

Молитва Пресвятой Троице

Пресвята́я Тро́ице, Единосу́щная Держа́во, всех благи́х Вина́, что воздади́м Тебе́ за вся́, я́же воздала́ еси́ нам, гре́шным и недосто́йным, пре́жде, не́же на свет произыдо́хом, за вся́, я́же воздае́ши коему́ждо нас по вся́ дни и я́же угото́вала еси́ всем нам в ве́це гряду́щем? Подоба́ше у́бо за толи́кия благодея́ния и щедро́ты благодари́ти Тя не словесы́ то́чию, но па́че де́лы, храня́ще и исполня́юще за́поведи Твоя́: мы же, страсте́м на́шим и злым обы́чаем вне́мше, в бесчи́сленные от ю́ности низверго́хомся грехи́ и беззако́ния. Сего́ ра́ди, я́ко нечи́стым и оскверне́нным, не то́чию пред трисве́тлое Лице́ Твое́ безсту́дно яви́теся, но ниже́ И́мене Твоего́ Пресвята́го изрещи́ довле́ше нам, а́ще бы не Ты Сама́ благоизво́лила во отра́ду на́шу возвести́ти, я́ко, чи́стыя и пра́ведныя лю́бящи, и гре́шники ка́ющиеся ми́луеши и благоутро́бне прие́млеши. При́зри у́бо, о Пребоже́ственная Тро́ице, с высоты́ Святы́я Сла́вы Твоея́ на нас, многогре́шных, и благо́е произволе́ние на́ше вме́сто благи́х дел приими́, и пода́ждь нам ду́ха и́стиннаго покая́ния, да возненави́девше всяк грех, в чистоте́ и пра́вде до конца́ дней на́ших поживе́м, творя́ще пресвяту́ю во́лю Твою́ и сла́вяще чи́стыми по́мыслы и благи́ми дея́ньми сладча́йшее и великоле́пое и́мя Твое́. Ами́нь.

День памяти святых

Третье обретение главы Пророка, Предтечи и Крестителя Господня Иоанна (около 850)

Из Константинополе глава святого Пророка, Предтечи и Крестителя Господня Иоанна была унесена в город Емесу по причине волнений. Оттуда во время набегов сарацин она была перенесена (около 810–820 гг.) в Команы (современная Турция). В период иконоборческих гонений мощи святого спрятали в землю. После восстановления иконопочитания патриарху Игнатию (847–857) во время ночной молитвы было указано в видении место, где скрыта глава святого Иоанна Предтечи. Император, узнав об этом, послал посольство в Команы, и там глава была в третий раз обретена в указанном патриархом месте. Произошло это около 850 года.

Существует несколько версий местонахождений мощей святого пророка Иоанна в наше время.

О праздниках, посвященных Иоанну Предтече, читайте в нашем материале.

О последней работе и одной из лучших картин Караваджо «Саломея с головой Иоанна Крестителя», теме мученичества, обращения, изменения жизни в его творчестве читайте в нашем материале.

Священномученик Ферапонт, епископ Кипрский (IV)

Епископ служил на острове Кипр, где пострадал во время гонений Диоклитиана (284–305) и скончался мученически. Мощи святого прославились многочисленными чудесами. В 806 году их решили перенести в Константинополь из-за опасности нашествия сарацин. Уже во время путешествия на корабле от мощей стало источаться миро и произошло чудесное спасение от бури. В Константинополе мощи положили в храме в честь священномученика Ферапонта. По молитвам к нему исцелялись тяжелейшие недуги, умиравшие возвращались к жизни. В настоящее время частица мощей находится на острове Кипр.

Святитель Иннокентий (Борисов), архиепископ Херсонский и Таврический (15.12. 1800 – 25.05.1857)

Отец Ивана Алексеевича (будущего святителя) служил священником в городе Ельце Орловской губернии. Мать Акилина была неграмотной, но умной и набожной. Читать и писать Иван научился дома, в 19 лет отличником семинарии поступил в Киевскую духовную академию, где вскоре был признан первым студентом: писал проповеди, занимался самообразованием, науки ему давались легко. В 23 года назначен ректором Санкт-Петербургского Александро-Невского духовного училища. Здесь же принял постриг и рукоположен в иеромонаха. Лекции отец Иннокентий преподавал наизусть. За необыкновенный проповеднический талант его, уже епископа, называли впоследствии «Русским Златоустом». Императорская Академия наук и другие ученые общества принимали проповедника в свои члены, его труды переводили на греческий, немецкий, французский и польский языки.

В Харьковской епархии за неполных 7 лет служения он восстановил Ахтырский и Святогорский монастыри, открыл Никольскую женскую обитель. В последнем месте земного служения – в Крыму – владыка решил восстановить древние христианские памятники, разрушенные татарами, и основать «Русский Афон». Руководить Херсоно-Таврической епархией было непросто из-за влияния различных народностей и религий. Завершению трудов помещала крымская война: архиепископ не боялся тифа и посещал воинов в лазаретах, в сражениях обходил ряды солдат, ободряя шедших в бой.

Владыка скончался в Херсоне в праздник Живоначальной Троицы – в годовщину служения первой литургии в Крымской епархии – на руках келейников коленопреклоненный. Мощи святителя Иннокентия были обретены 18 июля 1997 года, а в декабре 1997 года он был канонизирован. 13 лет назад мощи святителя перенесли в восстановленный Спасо-Преображенский собор Одессы, где они почивают поныне.

Молитва святителю Иннокентию Херсонскому:

О всезлатая уста Слова, всехвальный и всечестный архиерею, святителю Христов Иннокентие! Ты многая и различная дарования от Господа приял еси, и, яко раб благий и верный, вся данныя тебе таланты добре умножил еси, имиже Церкви Христовой и отечеству славне послужил еси. Ныне же велие на Небесех имея дерзновение ко Святей Троице, призри милостивно от обителей горних на нас, немощных, грехами многими обремененных. Умоли Господа Вседержителя, да отвратит от нас гнев Свой, праведно по делом нашим на ны движимый, и обратит нас на путь покаяния; прельщение языческое, зловредное нечестие, вся ереси и расколы, от Церкви Святыя отчуждающия, да истребит и да избавит ны от соблазнов мира и козней диавольских. Ей, крепкий столпе церковный, сосуде благодати предъизбранный, испроси от Отца светов, да соблюдет нас от нечестивых и душепагубных лжеучений, неверия и суеверия, умудрит и укрепит ны даже до конца ко хранению веры Православныя, да сохранит малое стадо Свое неразсеянное пребыти в любви и единомыслии, неверныя же к познанию истины да обратит, да подаст пастырем Церкви ревность о спасении пасомых, монашествующим в подвизе укрепление, миру умирение, земли нашея от нахождения иноплеменных, от крамолы и нестроений сохранение. О ходатаю теплый, пречудный Иннокентие, испроси от Бога нам время на покаяние и жития нашего исправление, во всех нуждах, скорбех и искушениях скорое поможение, терпение же и укрепление и согрешений прощение; испроси всяк дар, коемуждо благопотребен, яже ко спасению, и от вечных мук и огня геенскаго избавление. Да тако благодатию и человеколюбием в Троице покланяемаго Бога сподобимся наследники быти Царствия Небеснаго, да прославляем вкупе с тобою всех благих Подателя Бога, Отца и Сына и Святаго Духа, ныне и присно и во веки веков. Аминь.

НОВОМУЧЕНИКИ И ИСПОВЕДНИКИ ХХ ВЕКА

Собор мучеников Холмских и Подляшских (переходящее празднование в 1-е воскресенье июня).

В ХХ веке Холмские и Подляшские земли разделили между Польшей, не принимающей религиозного меньшинства, и насаждавшим атеизм СССР. Польско-украинские этнические и политические конфликты привели к карательным операциям в 1944 – 1945 годах. Жертвами убийств стали тысячи верующих и мирных поляков и украинцев. 

Автокефальная Православная Церковь Польши 20 марта 2003 года причислила к лику святых восемь мучеников. 29 октября 2019 года к ним присоединила память 30 мучеников, пострадавших 30 января 1946 года у деревни Старые Пухалы. Прославление мучеников важно не только для Польской Православной Церкви, но и для всего православия: среди святых сыны украинского народа.

Тропарь святым Мученикам Холмским и Подляшским

Благословен еси Христе Боже наш, мученики земли Холмския и Подляшския прославивый, гонения жестокая и муки Тебе ради претерпевшия, и сими в стране нашей святое Православие утвердившия, их же молитвами Господи, единомыслие и братолюбие в сердцах наших утверди, миру умирение, Церкви утверждение, и всем грехов оставление даруя.

Кондак святым Мученикам Холмским и Подляшским

Любве Божия союзом связавшеся, и кровию мучения украсившеся, Холмския земли и Подляшския мученицы святи, злобу человеческия ненависти страданьми честными разрушили есте, темже и вечную славу наследовасте. О нас молитеся ко Господу, даровати всем велию и богатую милость.

Преподобномученица Елена (Коробкова) (1879 – 7 июня 1938)

Родилась в деревне Малеево Волоколамского уезда Московской губернии в семье крестьянина Петра. Отец умер, когда Елизавете было 14, и она жила в деревне с матерью. В 24 года поступила в монастырь Московской губернии, приняла постриг. После закрытия монастыря советской властью поселилась при Троицкой церкви в городе Сходня Солнечногорского района, пела на клиросе и шила одеяла, зарабатывая на жизнь.

Монахиня Елена была арестована 29 октября 1937 года за «контрреволюционную церковную деятельность» и «распространение среди верующих церковной литературы». Обвинения не признала, но через полмесяца ее приговорили к 10 годам заключения в ИТЛ. Пожилая монахиня не перенесла и полугода заключения. Погребена в безвестной могиле.

Преподобномученик Таврион (Толоконцев) (5 августа 1871 – 7 июня 1939)

Родился в Никольском уезде Вологодской губернии в семье крестьян. В 37 лет поступил в Спасо-Преображенский Валаамский монастырь, где после 8 лет послушничества 23 декабря 1920 года на подворье в Москве пострижен в монашество. После закрытия в 1925 году подворья был певчим в храме Ржевской иконы Божией Матери и жил вместе с несколькими монахами на квартире неподалеку общиной – с уставом, трапезой и послушаниями. 7 октября 1930 года квартиру обыскали, монастырские средства изъяли, а братию отправили в Бутырскую тюрьму. В ОГПУ на допросах монах отвечал: «Пока существует Церковь – буду служить ей», «..власть эту Господь послал людям за грехи… апостолом Павлом сказано, что всякая власть от Бога, надо молиться, и Бог даст, что власть улучшится и советская власть будет относиться лучше к служителям культа».

После трехлетней ссылки он остался жить в Вологодской области. В 1937 году архиепископ Питирим (Крылов) пригласил его приехать в Великий Устюг и поселиться в сторожке при храме Иоанна Предтечи. 3 декабря 1937 года монах Таврион был арестован и в тот же день допрошен: «Контрреволюционной деятельности я не вел, поэтому показаний дать не могу. Осенью 1937 года я ездил в Москву и в Архангельск хлопотать об открытии дымковской церкви, куда хотел поступить священником, но поездки оказались безрезультатными». Через неделю тройка НКВД приговорила его к 10 годам заключения в ИТЛ. В Новоезерской колонии, располагавшейся в зданиях разоренного Новоезерского монастыря, 68летний монах Таврион скончался уже через полгода и был погребен в безвестной могиле.

Особенности богослужения

В праздник Святой Троицы богослужение продолжается непривычно долго, поскольку после литургии совершается Великая вечерня с пением стихир, прославляющих Святого Духа. По их окончании священник читает коленопреклоненные молитвы. Их три: о Церкви, о спасении всех молящихся и об упокоении душ всех усопших. Во время чтения этих молитв мы снова просим Бога о прощении грехов – момент покаяния ясно отражен в текстах.

Особенностью богослужения является то, что во время чтения этих молитв священник и все верующие впервые за долгое время встают на колени. Великой вечерней завершается послепасхальный период, во время которого в храмах не совершали земные поклоны и не вставали на колени, подчеркивая особое время радости.

Богослужения от Пасхи до Пятидесятницы контрастируют с великопостным периодом покаяния, когда в храмах часто встают на колени. Верующие всегда призваны просить Бога о прощении грехов, но 7 недель после Пасхи Церковь выделяет как время торжества Иисуса Христа над смертью.

Великая вечерняя относится уже к понедельнику, ко второму дню Святой Троицы – Духову дню. А согласно правилам Никейского собора, православные христиане не должны стоять на коленях по воскресеньям.

Традиции праздника

Наши предки украшали храмы ветвями берез и травой к празднику Святой Троицы. Этот обычай сохранился до нашего времени и у него несколько объяснений. Во-первых, зеленые листья напоминают о мамврийском дубе, под которым Господь в виде трех ангелов явился Аврааму. Именно Святая Троица изображена на иконах праздника, в большинстве своем – списках «Троицы» Андрея Рублева. Во-вторых, в тот день, когда Святой Дух сошел на апостолов, иудеи отмечали праздник Пятидесятницы. Моисей получил заповеди весной, когда вся гора Синайская была покрыта цветущими деревьями. Вероятно, отсюда обычай древней Церкви украшать храмы и дома зеленью.

Но важно не путать обычаи и традиции праздника с суевериями. Не только на Троицу, но и в любое другое время православные люди не верят приметам: чаще всего «советы» о том, что якобы нельзя делать в праздник (куда-то ходить или что-то делать, трудиться), не имеют богословского объяснения. Для христиан не существует запретов на те или иные виды деятельности в праздник, если они не вредят душе. Ни купание, ни прогулка, ни работа не мешают верующему, который помнит о Боге.

Чтение Евангелия:

Евангелие от Иоанна, глава 7, стихи 37 – 52, глава 8, стих 12

Читать отрывок

Комментирует епископ Феоктист (Игумнов)

Комментирует священник Павел (Великанов)

Комментируем священник Стефан (Домусчи)

Комментирует священник Дмитрий (Барицкий)

Апостольское чтение: 

Деяния святых апостолов, глава 2, стихи 1 – 11

Читать отрывок

Комментирует священник Павел (Великанов)

На Троицу, в день рождения нашей Церкви, каждый верующий старается оказаться в храме, где в этот день после Литургии читаются особые коленопреклоненные молитвы о прощении грехов и даровании благодати Святого Духа. Милостью Божьей эта возможность нам становится все более доступна после долгих дней строгой изоляции.

Вне зависимости от внешних обстоятельств мы призваны прожить этот день по-христиански: даже у тех, у кого все еще не получается сходить в храм, помолиться, причаститься, есть возможность быть добрыми и внимательными к своим близким, провести свободное время вместе с ними, участвовать в милосердной помощи ближним, молиться о врачах.

Сохранить и преумножить благодать, дарованную нам Спасителем через Таинства, мы можем только сами, стараясь расставлять жизненные приоритеты в соответствии с Евангелием.