Редикс жобасы сценарий

«Рухани жаңғыру» бағдарламасының «Білімнің салтанат құруы» бағытының негізгі міндеттерінің бірі — азаматтардың білім деңгейін арттыру болып табылады. Осы орайда Ә.Тәжібаев атындағы №36 мектеп-лицейінде оқушылар арасында кітап оқуды насихаттау үшін, үздіксіз көркем әдебиет оқу — рухани даму дағдысын қалыптастыру мақсатында НЗМ ДББҰ-ның тәжірибесін негізге ала отырып, мектеп кітапханасы және тілдік пән бірлестіктерінің ұйымдастыруымен READx жобасы өтті.

READx – бұл оқырмандардың шабыттандыру алаңы, мұнда жасы мен беделіне қарамастан қатысушылар өз ой толғаулары мен жиып-тергендерін ортаға салады. READx жобасының ұраны «Оқуға ұмтыл!».
Кітапханалық READx жобасының форматы, кітап оқуды насихаттайтын дәстүрлі және заманауи тәсілдерін бірігуі.
Жобаға оқушылар, ата-аналар, мектеп педагогтары мен қызметкерлері қатыса алады. Әр спикердің оқыған әдебиеттері бойынша арнайы кітап көрме қойылды.

Тыңдаушыларға «Оқимын!» және «Ойланамын!» дауыс беру карточкалары таратылып, тыңдаушылар спикердің сөз сөйлеуі, пікірі, идеялары мен тәжірибесі қандай әсер қалдырғанын айқындады.

Мұндай жоба әсіресе, оқушылардың әлеуметтік желілерде, компьютер мен теледидар алдында уақытты босқа өткізбей, кітап оқуға шақырады.

READx жобасының нәтижесі ретінде, іс-шара аяқталғаннан кейін оқушылар мен оқытушылар өзін қызықтырған әдебиеттерді оқуға алады.

«ТТ» ақпарат

Бөкей ордасы ауданы М.Бабажанов атындағы мектеп кітапханасында ReadX форматында шара өтті.

Мектеп директоры Жұбан Ғұмаровтың ұйымдастырған оқырмандар алаңына мектеп мұғалімдері, оқушылар мен шақырулы қонақтар қатысты.      Кітап әлеміне шақырған мектептің физика пәні мұғалімі Арайлым Ишанғалиева Бауыржан Момышұлының келіні Зейнеп Ахметованың күнделік түрінде жазған «Шуақты күндер» туындысының тәрбиелік мәнін әңгімелесе, «Орда жұлдызы» аудандық газетінің тілшісі Раушан Бақытова жерлес жазушы, журналист Мира Шүйіншәлиеваның «Үш төмпешік» әңгімесін насихаттады. Фантастикалық бағытта көптеген кітаптады оқыған мектеп оқушысы Елназ Таңатова қыз тәрбиесіне мән беріп, сонымен қатар жасөспірім шақтағы әлеуметтік қиындықтарды жеңу жолдарын ұсынатын балалар жазушысы Жаклин Уилсонның «Трейси Беккер», «Лола-Роза» шығармаларын оқуға кеңес берді. Өз кезегінде қазақ тілі пәні мұғалімі Бұлбұл Құбаева кеңес заманындағы тоталитарлық режимнің салқынын сезген Аяған Қуатовтың өмір жолын суреттеген Баққожа Мұқайдың «Өмірзая» трагедиясының сюжетіне тоқталып, кішкентай оқырмандарға Бердібек Соқпақбаевтің «Балалық шаққа саяхат» прозасымен танысуға шақырды. Ал, Жұбан Орынғалиұлы болса, Даниель Дефоның «Робинзон Крузо» шығармасының желісі негізінде балаларды барды қанағат тұтуға, жақсылыққа адал жолмен жетуге үндеді.

Кітап тілсіз мұғалім екенін айтқан ұйымдастырушылар қатысушыларды оны жиі да оқуға шақырды.

Раушан АППАҚОВА,

Бөкей ордасы ауданы

zhaikpress.kz

Батыс Қазақстанның маңызды жаңалықтары біздің Telegram-парақшамызда. Жазылыңыздар!

Мектебімізде оқушылар арасында кітап оқуды насихаттап, оқуға деген қызығушылығын арттырып, көпшілік алдында сөйлеу мәнерін қалыптастыруға бағытында  READx жобасы  аясында шара өткізілді. Шараға белгілі тележурналист, Қазақстан Жазушылар Одағының мүшесі М.Балмолда, қазақ тілі мен әдебиеті пәнінің жоғары санатты мұғалімі С.Кадрешова, 11 сынып оқушысы М.Ниетқали және 9 сынып оқушысы М.Ахметкалиева спикер ретінде қатысып, өз оқыған шығармаларымен бөлісті.

Мақсаты: Оқушылар арасында кітап оқуды насихаттау, кітап оқуға қызығушылықтарын арттыру.

READx жобасы  —  бұл кітап оқуға деген қызығушылықты арттырып, шабыттандыратын адамдардың көпшілік алдындағы сөйлеуі.

Әдетте, спикерлердің көпшілік алдында сөйлеуі қол шапалақтау мен тұрып сөйлеуге негізделсе,  ал бізде мүлдем басқаша өткізілді. Кітапхананың еріктілері оқушыларға «Оқимын» және «Ойланамын» деген жазуы бар  екі топшама  үлестірілді. Әр сөйлеушіден кейін оқушылардың қолдарындағы  бір топшаманы көрсету арқылы дауыс берілді. Бұндай дауыс беру  спикерлердің ұсынған қай кітабы қызықтырғаны  анықталды.